Оргазмот и раѓањето можеби баш и не одат рака под рака, но една жена, мајка и фотографка на породувања од Австралија почнала да го пропагира ваквиот начин на ублажување на болките. Австралијанката Анџела Гало за своето искуство напишала:
„За време на моето прво породување чувствував потреба да си помогнам сама на себе, но јас и моето тело бевме премногу срамежливи. Затоа пред второто породување доста истражував и најдов дека мастурбацијата е еден од природните ублажувачи на болки. И кога пробав сфатив дека освен ублажување на породилните болки, мастурбацијата овозможува и други предности. Имено, со стимулација на клиторисот вашиот фокус се префрла од болките во стомакот на самата вагина и енергијата која притоа циркулира низ вашето тело. Трудовите беа навистина помалку болни , а периодот помеѓу нив ми беше многу поубав“.
Можеби мастурбацијата не е баш конвенционална метода но не постојат причини зошто да не се применува. Ако сакате оргазмичко породување, помогнете си! И секако дека тука не станува збор само за сексуално уживање, туку телото на жената притоа овозможува поправилни контракции на мускулите на карлицата, а кога бебето ќе тргне да излегува, понекогаш таа дополнителна контракција и е се што и треба на родилката.
Ова го споменуваат дури и гинеколозите кои не гледаат причина зошто жената при раѓањето да не си помогне себеси на овој начин. Во секој случај, тоа не е акт кој ќе и одмогне и дефинитивно во таков момент неговата цел не е сексуалното задоволство.
Затоа, ако за времре на породувањето почувствувате потреба да си помогнете на овој налин, направете го тоа. За волја на вистината нашето општетство е се уште прилично конвенционално, па веројатно оттаму и многуте негативни коментари кои ги добила Анџела Гало откако ја објавила својата приказна. Но како што вели и самата, тие коментари се главно од луѓе на кои им е поважно што се зборува за нив од она што самите го чувствуваат. Значи, веројатно вашиот гинеколог ќе ве гледа чудно, но ако не ви е важно кој што мисли за вас и само сакате да си помогнете и да си олесните, затворете ги очите и пробајте.
