Дваесетмесечните близнаци биле пронајдени во безживотна состојба во автомобил на паркинг во градинка во Јужна Каролина. Тие најверојатно биле во жешкиот теренец повеќе од девет часа, објавиле властите.
Еден од родителите ги нашол близнаците околу 17:40 часот, по доаѓањето во градинката. Иследничката Надија Радерфорд рекла дека Брајсон и Брејден МекДаниел се чини дека биле во возилото од утрото и најверојатно починале заради изложеност на прекумерна топлина.
„Имаме двајца многу вознемирени родители“, рекла таа. Момчињата изгледаа добро згрижени, а родителите досега не се уапсени.
„Не можеме да зборуваме за тоа како и зошто децата биле оставени во возилото толку долго. Ова е несреќен случај. Ако е кривично дело, ќе помогнеме да се најде виновникот”, додала таа.
Фото: Unsplash
