Ракот на дојка е најчест малиген тумор во светот. Секоја година заболуваат се поголем број жени, а голем дел од тие случаи завршуваат со смртен исход.
Меѓутоа, лекарите тврдат дека оваа опасна болест е излечива. Со откривањето на ракот на дојка во порана фаза можностите за излекување се далеку поголеми, па дури и 80 отсто.
Од таа причина жените треба да прават самопреглед на дојките, како и ултразвук еднаш годишно.
Самопрегледот на дојките е постапка која на жената и овозможува самата да ги прегледа своите гради. Најдобро е жената да го направи прегледот една или две недели по почетокот на менструалниот циклус, а доколку веќе нема циклус најдобро е да се одреди еден ден во месецот кога тоа ќе го направи.
При самопрегледувањето посебно внимание треба да обрнете на следните знаци: откривање грутки при допир, здебелување на дојката, зголемување на едната дојка, какви било промени на кожата на брадавиците и дојките, исцедок од брадавиците, болки во дојката.
Хрватскиот портал „Превентивна програма“ објави на својот профил фотографија која може да биде од помош на сите жени коишто сакаат да направат самопреглед, а кои не се сигурни кои можни симптоми може да укажуваат на рак на дојка.
Доколку забележите кој било од овие знаци, што побрзо јавете се кај својот лекар:
Фото: Fejsbuk/www.yumama.com
