Ќеркичката на австралискиот фотограф Мет Ворнер, Инди, имала трансплантација на црниот дроб на возраст од седум месеци. Таа е родена со билијарна атрезија, состојба опасна по живот кај доенчиња, при која жолчните канали внатре или надвор од црниот дроб немаат нормални отвори. На децата со вакво пореметување им е неопходна трансплантација за да останат во живот.
Нејзиниот татко вели дека секогаш кога ќе ја погледне ќерка си помислува на нејзиниот донатор.
Сега Инди има четири години и прави белји како и секое дете на нејзина возраст.
Инди со гордост ја носи лузната, а нејзиниот татко ја фотографирал облечена како боксер како симбол на нејзината храброст, но и во знак на благодарност за донаторот и неговото семејство.
