Две бебиња, двајца татковци, една матка

Сурогат мајката Џесика Ален забременила со свое дете додека го носела ембрионот на една двојка која ѝ платила 30 илјади долари за ИВФ-третман.
За време на рутински преглед, по шестата недела од бременоста, лекарите забележале дека постои уште еден фетус. Првично Ален и нејзиниот сопруг мислеле дека станува збор за близнаци за двојката која ја ангажирала.
Ален мислела дека станува збор за близнаци до моментот кога бебињата излегле од матката. Никогаш не ѝ била дадена шанса лично да ги види бебињата, но знаела дека постои разлика.

„Забележав дека едното е посветло од другото. Очигледно беше дека не се идентични близнаци“, вели таа.
Ален постојано имала чувство дека нешто не е како што треба, меѓутоа, не можела да открие зошто. Неколку месеци подоцна таа открила дека второто бебе не е близнак, туку нејзино биолошко дете. Ова предизвикало 10-месечна битка за враќање на детето во нејзиниот живот.

Генералното правило за бременост вели дека жената не може да забремени кога веќе еднаш е бремена. Сепак, она што ѝ се случило на Ален ретко се случува во светот на цицачите. Суперфетација е кога два потомци се развиваат во мајката во различни фази на развој.

Звучи како неверојатен висок ризик, но истражувачите велат дека всушност е ист ризикот како кога мајката носи близнаци. Најголем ризик е второто дете да биде прерано родено пред неговите бели дробови да можат целосно да се развијат.