Не сме сигурни какви се шансите четири лица во едно семејство да имаат иста бела дамка на косата, но сме прилично сигурни дека се исклучително мали. Сепак, токму тоа е она што се случило кога се родила МилиАна Ворти од Јужна Каролина.
Девојчето кое сега има 18 месеци, го има истиот карактеристичен „белег“ како нејзината мајка, Бриана, како и нејзината баба и прабаба.
Причина за бела коса е полиосис, состојба која создава недостаток на пигмент во косата и околната кожа. „Не сме сигурни колку далеку назад го има белегот со оглед на тоа што баба ми како дете била посвоена и никогаш не ги запознала своите биолошки родители“, изјавила Бриана за Daily Mail. „Се надевав дека таа ќе го има. Мојата помала сестра која мајка ми ја доби неколку години по мене, го нема овој белег, па не знаев дали МилаАна ќе го има, но уште во првиот момент кога ја положија на моите гради, го забележав и бев многу среќна“.
