И покрај тоа што за некои може да е полесно отколку за други, грижата за мало дете понекогаш е предизвикувачка и заморна, особено ако детето не сака да спие.
Ако ова е проблем со кој се соочувате, една мајка можеби има решение за вас. Извесна Алисон открила на ТикТок дека прегледала многу совети и трикови на други родители и го пронашла оној со кој нејзиното дете успева да ја преспие цела ноќ.
„Налетав на видео во кое велат дека на бебето треба да му се даде банана пред спиење, а потоа ќе спие цела ноќ. Секој што ме познава знае дека не сум преспала ниту една ноќ откако се породив. Кога наполни осум месеци, почнав да ѝ давам банана пред спиење и таа спие цела ноќ“, објаснила Алисон.
@agoyneee_xo
Видеото станало вирално и собрало над три милиони прегледи и повеќе од 243.000 лајкови. Многумина признале дека се толку очајни што дефинитивно ќе ја испробаат и оваа идеја, иако се скептични дека бананата има таква моќ.
„Бананите содржат магнезиум и калиум, овие минерали навистина можат да му помогнат на детето да спие подобро“, коментира едно лице.
Фото: Pixabay
