Јасно е дека темелите за успешен живот се поставуваат во детството. Начинот на кој нашите деца ги толкуваат нашите постапки и постапките на другите луѓе во нивната околина во голема мера влијае на тоа како ќе се однесуваат кога ќе пораснат. Од таа причина, важно е да ги научите на некои лекции додека се уште млади. Во следните редови, ќе наведеме 5 вистини што треба да им ги пренесете на вашите деца, ако се грижите за нивната иднина.
1. Успехот не е сè
Успехот е важен, но не е сè. Колку побрзо ги научите вашите деца дека не е срамота да доживуваат порази, толку полесно ќе им биде подоцна да се соочат со неизбежните разочарувања. Подеднакво е важно да им дадете до знаење дека секогаш можат да сметаат на вашата љубов, особено после неуспех.
2. Образованието и стекнувањето вештини се важни
Одењето на училиште не е пријатно за многу деца. Тоа е разбирливо. Поприродно е да бидат надвор, да си играат и да трчаат со своите врсници, отколку да бидат оковани на столчиња со часови. Ваше е да им ја објасните важноста на образованието и стекнувањето вештини за нивната иднина. Научете ги да не се вознемируваат за нешто што сепак не можат да го променат и да се сконцентрираат на добрите работи во училиштето.
3. Да се биде сочувствителен и емотивен не е срам
Да се направи подобар свет не е можно ако ние самите не сме сочувствителни во приватниот живот. Уште од рана возраст, научете го вашето дете да ги почитува другите и да им помага на оние што имаат потреба. Тоа не е само рецепт за похармоничен живот во заедницата, туку и за негова лична среќа во зрелоста.
4. Пожелно е да се биде самостоен
Децата треба да ги почитуваат постарите лица и луѓето со авторитет, но тие мора да научат и да размислуваат со своја глава. Ве советуваме да негувате критичко размислување кај вашето малечко, но и да му објасните дека нема секогаш да зависи од другите. Тоа мора да се навикне да донесува независни одлуки и да презема одговорност за нив.
5. Мислењето на другите за нив не е пресудно
Луѓето се социјални суштества, па затоа би било социопатично да се каже дека е сосема неважно што мислат луѓето од нашата непосредна и поширока околина за нас. На крајот на краиштата, многу од нив ни мислат добро, па ако на некои од нив им пречи нешто во врска со нив, треба да обрнеме внимание на она што го велат. Од друга страна, не е пожелно да бидете оптоварени со вашата репутација, особено кога тоа е под влијание на луѓе со кои не сте ни блиски. Би било добро вашето дете да биде запознаено со оваа лекција.
Фото: Unsplash
