Пуканките се омилени и за децата и за возрасните, а нивната крцкава текстура и можноста за создавање различни вкусови ги прават совршен избор за скоро секоја пригода. Иако оваа закуска може да изгледа безопасно, па дури е и здрава, може да биде опасна за деца под 4-годишна возраст.
Иако многу родители се свесни за опасностите од задушување со работи како што се батерии или мали играчки, вообичаените опасности поврзани со храната сè уште се непознати за многу мајки и татковци. Во 2019 година, USA Today сподели приказна раскажана од мајка на три деца, чиј двегодишен син завршил во болница откако јадел пуканки со своето семејство.
Момчето кашлало и имало температура. По прегледот, лекарите откриле дека вдишало пуканки во белите дробови, што предизвикало воспаление. Лекарите му извадиле парче пуканки од белите дробови, а приказната имала позитивен крај. Сепак, мајката на момчето сакала другите родители да научат колку опасна може да биде оваа закуска, па затоа го опиша нивното искуство на Фејсбук.
Исто така, според експертите, децата под четиригодишна возраст имаат поголем ризик од задушување. Дури на возраст од четири години децата можат да ја изџвакаат храната што ја јадат на вистински начин. Ова се случува затоа што нивните катници избиваат на оваа возраст и нивните вештини за џвакање се доволно добри за да ја разградат храната на помали парчиња пред да ја голтнат.
Покрај тоа, на помладите деца многу лесно може да се одвлече вниманието од работите што се случуваат околу нив, што исто така го зголемува ризикот од задушување. Затоа секогаш треба да им се помага кога јадат. Пешачење, трчање, смеење или зборување додека јадете, како и пребрзо јадење, исто така може да доведе до задушување, пренесува Bright Side.
За жал, пуканките не се единствената храна што претставува опасност од задушување кај децата. Според педијатрите, покрај пуканки, на малите деца не треба да им ги даваме следните намирници:
виршли
тврди бонбони
јаткасти плодови и семки
сурови моркови
јаболка
цело грозје
путер од кикиритки
маршмалоу и гуми за џвакање.
Фото: Unsplash
