Ова се некои од психолошките придобивки од доењето и за мајката и за бебето

Нутритивните придобивки од доењето се непобитни, но психолошките придобивки се огромни.

0
132

Со доењето бебето се храни физички, ментално, но и емоционално.

Психолошките придобивки од доењето се многубројни и не се ограничени само на првите неколку месеци или години од животот на бебето. Отпечатокот што го остава влијае на една личност и во зрелоста.

Континуитет

Нутритивните придобивки од доењето се непобитни, но психолошките придобивки се огромни. По девет месеци безбедна и удобна средина, бебето доаѓа во свет полн со непознати извори на агресивна светлина, звуци и мириси. Бебињата ја доживуваат оваа промена како одреден вид стрес и им треба континуирано физичко присуство на мајката и уверување дека таа е сe уште таму за да ги задоволи неговите потреби. Во овој период, градите за бебето стануваат симбол на приврзаност, удобност и заштита.

Со држење на бебето во раце, контакт кожа со кожа и доење, му давате на бебето слични дразби како кога било во утробата. Бебето го слуша чукањето на срцето на мајката и ова ја прави оваа транзиција поподнослива за него.

Психолошки придобивки од доењето за бебето

Емоционалната врска помеѓу мајката и детето се воспоставува и зајакнува преку доењето. Оваа врска ќе му помогне на детето да се чувствува безбедно и ќе го намали неговиот стрес. Исто така, ќе помогне во когнитивниот развој на детето, бидејќи децата најдобро учат кога се емотивно блиски со своите родители. Доените бебиња развиваат поголема самодоверба и автономија. Тие покажуваат подобра способност да ги регулираат сопствените емоции. Подобро се прилагодуваат во општеството. Имаат добри комуникациски вештини и воспоставуваат здрави емоционални врски.

Психолошки придобивки од доењето за мајката

Постпарталниот период е комплициран за мајката. Целото искуство на бременоста кулминира и одеднаш почнуваат да се појавуваат стравови поврзани со нереални очекувања. Хормоналните промени што се случуваат дополнително го интензивираат ова искуство. Доењето овде може многу да помогне. На овој начин, жените почнуваат да се формираат како мајки, се доживуваат способно, им се зголемува самодовербата и значително се намалува можноста за постпородилна депресија.

Фото: Unsplash

[better-ads type='banner' banner='999' ]