Додатокот за ожалостеност, донесен деновиве од тамошниот парламент, им дава на вработените тридневно отсуство кога бременоста ќе заврши со мртвородено бебе, наместо да ги принудува да го користат боледувањето.
Пратеничката Џини Андерсен вели дека раѓањето на мртвороденче треба да се признае како причина за наменски одмор за жалење, но стигмата што го опкружува ова прашање значи дека многу луѓе не сакаат да разговараат за тоа.
„Тагата што доаѓа со спонтаниот абортус не е болест, туку загуба и за таа загуба потребно е време за физичко и психичко закрепнување“, изјавила Џини Андерсен и додала дека отсуството се проширува и на партнерот на жената доколку таа претрпи спонтан абортус, како и луѓето што се обидувале да добијат дете преку сурогат-мајчинство.
Таа вели дека законот ја продолжува улогата на парламентот на Нов Зеланд во пионерството на правата на жените, особено во однос на правото за глас и еднаква плата.
„Иако можеби ќе бидеме првите, се надевам дека нема да бидеме последните и дека и другите земји ќе почнат да носат закони за сочувствителен и фер систем за отсуство што ги препознаваат болката и тагата што доаѓаат по спонтаниот абортус и раѓањето на мртво бебе“, рекла таа.
Законот се однесува на родителите, нивните партнери и родителите кои планираат да имаат дете преку посвојување и сурогат-мајчинство.
Фото: Unsplash
