На 19. март (вторник), со почеток во 12 часот во Домот на културата „Кочо Рацин“ во Скопје, ќе се одржи работилница на тема „Чекор по чекор до правилен говор“.
Предавач ќе биде м-р Ана Петреска, логопед и дефектолог од Здружението Интеракција плус од Скопје.
По завршувањето на работилницата заинтересираните учесници ќе можат да добијат сертификат и примерок од изданието „Чекор по чекор до правилен говор“.
Ова е трета по ред работилница на оваа тема во 2019 година, а работилницата се состои од три дела: предавање, промоција и презентација на книгата „Чекор по чекор до правилен говор“, дискусија со прашања и одговори.
