Акутниот бронхитис е една од најчестите дијагнози во амбулантите по општа пракса. Кашлицата е најчест симптом на акутен бронхитис а после неколку денови почнува исфрлањето на секрет со придружни симптоми како што се краткотрајно лесно покачена температура, диспнеја, засипнатост, чувство на стружење или пиштење во градите и малаксаност.
Детскиот бронхитис во медицината најчесто се лекува со антибиотици кои имаат и свои лоши страни. Во секојдневната лекарска пракса антибиотиците се препишуваат премногу често, што доведува до зголемување на отпорноста на лекови, несакани ефекти и непотребни трошоци на лекување.
Затоа е добро да се посветуваме со природата затоа што таа ни нуди одличен лек против бронхитис. Тоа е гусјата маст. Народната медицина многу ја почитува гусјата маст кога станува збор за болести на дишните органи. Во денешно време единствен проблем за овој вид на лекување може да биде: каде да се најде гусја маст? Порабо речиси секоја селска куќа во својот двор имала барем по две гуски и во тоа време болестите на респираторните органи се лекувале со гусја маст. Денеска ситуацијата е поинаква но сепак, гуски сѐуште некаде можат да се најдат.
Начин на лекување:
Гусјата маст во дебел слој се мачка на градите, а местото се покрива со крпа или со газа за да не се измрси облеката. За време на третманот детето треба да лежи покриено преку градите па затоа е најдобро ова да се прави навечер пред спиење или за време на дневниот одмор. Детето треба да мирува барем еден час, а во текот на денот е добро да се повтори ова барем два пати, а трет пат да се стави навечер, пред спиење. Преку ден е добро на детето да му се дава да пие и колку што може потопло млеко во кое ќе ставите мед. На пример, на една шолја млеко се става една лажица мед.
Напомена: Овој рецепт може да се примени и кај лекувањето на воспаление на белите дробови и кај возрасните.
Фото: Dakota Corbin on Unsplash
