Кога е желудникот празен, а змиите она најдоброто што се нуди, ловот на овие гмизавци станува секојдневје, без оглед на опасностите што ги носи со себе.
Остатокот од светот можеше да го види ова откако пред еден месец на Јутјуб беше објавено видеото во кое главни јунаци се братче и сестриче кои со голи раце ги фаќаат змиите кои ќе завршат на маса како вечера или пак ќе послужат како средство со чија продажба ќе можат да се набават уште повкусни намирници затоа што уловените змии ги откупуваат сопствениците на фармите на крокодили. Имено, змиите се поефтини во однос на рибите, а наводно, и крокодилите ги сакаат па често ги хранат со нив пред и самите да завршат како употребна вредност со оглед на тоа што нивната кожа е роба која добро се продава.
