Постојат 5 фундаментални лекција кои децата ги апсорбираат од своите родители уште од мали нозе, а кои трајно ќе го дефинираат нивниот идентитет, пишува порталот You Are Mom. Овие работи се учат со имитација, следење примери и копирање на ставовите на нивните животни херои и модели, а токму тоа им се родителите на своите деца.
Имитацијата се случува несвесно и останува вкоренета во психата, сакале ние или не. Важно е јасно да се разбере дека ако, на пример, сакаме нашите деца да бидат уредни, барањата нема да бидат од корист ако во вашиот дом е хаос.
Ова се некои од ставовите што децата ги учат од своите родители кои колку и да се менуваат како возрасни ќе останат присутни во нивните животи.
Уредност и организација
Да се биде организиран и уреден е една од првите лекции што децата ги учат на рана возраст. Овој аспект е толку важен што и повеќето животински видови ги учат своите младенчиња како да се негуваат со својот пример, бидејќи тие инстинктивно го поврзуваат ова со преживување или со здравје.
Истото ни се случува и на нам, на луѓето – уредната и чиста околина обезбедува здравје и душевен мир. Децата кои живеат во уредна и чиста околина покажуваат склоност да ги одржуваат своите работи уредни без потреба постојано да им наредуваме да го прават тоа.
Слично на тоа, тие имаат тенденција да развиваат почит кон сопствените работи и работите на нивните пријатели или браќа и сестри.
Ставови за насилството
Без разлика какви граѓански и религиозни вредности им всадувате на децата, експертите тврдат дека значителен процент од поединците кои реагираат агресивно имале негативни искуства во детството, каде што биле сведоци на физичко или вербално насилство.
Потсетете се дека насилството може да се манифестира на различни начини: децата кои се сведоци на викање во нивниот дом, слушање навреди, поплаки, идеи полни со омраза или расни навреди и слично, многу е веројатно да реагираат несвесно и агресивно во стресни ситуации.
За жал, во случаи на семејно насилство, многу жени велаат дека се чувствуваат „нормално“ со физичкото или вербалното малтретирање на нивниот партнер затоа што тврдат дека виделе како нивните татковци се однесуваат на тој начин со нивните мајки.
Оптимизам или песимизам
Многу мали деца, особено оние на возраст од 4 до 7 години, пријавиле дека се чувствуваат несреќни. Без навлегување во психологијата и разбирање дека се во игра и одредени патолошки состојби, анализата на експертите покажала дека децата се склони кон повторување на изјави и однесувања што ги гледаат кај нивните родители.
Сите препораки за добро ментално здравје сугерираат дека треба да бидеме позитивни и да им всадиме на децата фрази на самоприфаќање. Изјавите како „Несреќни сме“, „Тешко ни е“, „Не се чувствуваме добро“ или „Никогаш нема да бидеме подобри“ доведуваат до тоа децата да станат несигурни возрасни луѓе, без самодоверба и со депресивни склоности.
Љубовта кон работата и учењето
Љубовта кон учењето и работата е клучот за успехот во животот. И секако, мрзеливоста е антитеза. Кога децата ќе забележат дека нивните родители практикуваат мрзливи навики или не се држат до обврските, сигурно ќе им биде потешко да се справат со обврските како возрасни.
Истото важи и за учењето и читањето. Ако децата ги видат нивните родители како читаат весници и книги, ќе почувствуваат потреба да ги имитираат и да бараат приказни или нешто за читање. Напротив, во домаќинствата каде што се гледа телевизија по цел ден, децата се склони кон пасивен однос кон учењето, па дури и нивните оценки обично се пониски.
Стравови
Многупати нервозата и премногу заштитничкиот однос кон децата може да внесат одреден степен на несигурност и страв во нивниот карактер. Ако секогаш ги предупредуваме на опасности или можни проблеми, нашите деца ќе се чувствуваат изложени во секоја ситуација во текот на нивниот живот. Друга варијанта на страв е стравот од темнината или што било што излегува во текот на ноќта. Зборувајќи за овие работи, можеме трајно да ги обележиме.
Нашите ставови можат да имаат најдобри намери, се појавуваат несвесно, изгледаат невидливи за нашите деца, но често не се. Затоа, мораме да бидеме внимателни и да запомниме дека многу од ставовите на нашите деца ќе се засноваат на она што го гледаат дома.
Фото: Pexels
