Родителството може да биде вистински предизвик. Покрај тоа што го опсипувате вашето дете со љубов и поддршка, мора да бидете сигурни дека е и дисциплинирано и дека знае да се однесува добро. Понекогаш прекумерната љубов и грижа можат да го уништат вашето дете и да го натераат да мисли дека може да прави што сака. Ова исто така може да доведе до проблеми во однесувањето, и додека некои родители се свесни за тоа, други не се.
Ова се некои од показателите дека вашето дете можеби има проблеми со однесувањето.
Не ги почитува возрасните лица
Иако е здраво (и важно) вашето дете да биде блиско и искрено со постарите лица, ако забележите дека тоа покажува непочитување или нечувствителност кон возрасните, не го игнорирајте тоа. Не дозволувајте ниту да прифатите погрешно или непристојно да ги коментира постарите од себе. Иако ова на почетокот може да изгледа како ситница, со текот на времето ќе стане му навика и дел од личноста.
Треба постојано да го поткупувате за да ве слуша
Ова е јасен знак дека вашето дете има тежок карактер и може да развие проблеми со однесувањето. Наместо да изберете полесен пат и да ја следите линијата на помал отпор, научете го вашето дете дека понекогаш мора да слушне и „не“.
Сака да ги исмева другите
Нечувствителноста исто така може да биде показател за лошо однесување. Ако видите како вашето дете прави нечувствителни шеги со другите, обидувајќи се да ги понижи или да им наштети, треба веднаш да го спречите. Не дозволувајте да го прави тоа, бидејќи може да му стане навика.
Секогаш е подготвено да одговори на критиките
Децата кои имаат проблеми со однесувањето никогаш нема да прифатат дека грешат. Покрај тоа што брзо ќе им се спротивставуваат на советите, веројатно брзо и подготвено (често и безобразно) ќе ви возвраќаат. Иако родителите секогаш треба да слушаат што зборува нивното дете, не смеете да дозволите да не ве почитува вас или некој друг.
Никогаш не е задоволно
Дете кое никогаш не е задоволно од она што го правите за него или од тоа што му го овозможувате, најчесто е прилично разгалено. Таквото дете има проблеми со однесувањето. Обидете се да го научите дека мора да избере приоритети за да ја разбере разликата помеѓу она што му треба и она што го сака.
Фото: Freepik
