Американката Џесика Шоу објавила на твитер фотографија од лекарскиот рецепт што го добила нејзината мајка од својот лекар откако се вакцинирала против ковид-19.
На рецептот на лекарот пишува: „Дозволено ти е да ја прегрнеш својата внука“.
Заедно со фотографијата, Шоу објавила и видео од прегратката на бабата и нејзината внука, прва после една година.
Бабата плаче во емотивната прегратка на нејзината внука, а објавата е споделена неколку илјади пати. Ова видео допрело многумина кои со месеци чекаа на моментот кога ќе можат да ги прегрнат членовите на семејството и пријателите.
Бабата, откако ја примила втората доза на вакцината против ковид-19, за Си-Ен-Ен изјавила дека ќе ја памети оваа прегратка до крајот на животот.
First hug she’s had in a year. Thank you to all the scientists and doctors who made this happen! pic.twitter.com/puvJlJpDoy
— Jessica Shaw (@JessicaShaw) March 9, 2021
Фото: Твитер
