Родителите во современиот свет ги открија совршените дадилки: дигиталните екрани што можат да ги забавуваат, утешат и окупираат децата во секое време и на кое било место. Речиси е предобро за да биде вистина, колку брзо детето може да се смири кога неговите родители ќе му дадат таблет или телефон. Ова го гледаме насекаде, од лекарските ординации до рестораните, па дури и во црква.
Кога детето ќе започне да се мешколи или да негодува, седум од десет пати, можеме да очекуваме мама, тато или баба да го забавуваат со електронски уред. За време на викендите, повеќето родители се натпреваруваат кој уред, ТВ или компјутер, ќе го задржи вниманието на нивните деца подолго. Но, дали знаевте дека Бил Гејтс и Стив Џобс, двајцата „одговорни“ за создавање на персоналните компјутери, таблети и мобилни телефони достапни за милиони корисници ширум светот, ги одгледале своите деца во средина без технологија?
Најдобра „дадилка“
Бред Хадлстон, автор на книгата „Дигитален кокаин“, патува низ светот и разговара со родителите и наставниците за опасностите од растечкиот тренд на зависност од технологијата. Тој овој тренд го нарекол „дигитален кокаин“. „Едноставно, кога некој не може без својот дигитален уред, тој е зависен. Поточно, кога било која активност, вклучително и интеракција со дигиталните уреди, го попречува нормалниот живот, можеме да кажеме дека станува збор за зависност“.
Хадлстон, кој дипломирал информатика, неодамна бил во Манила како еден од главните говорници на првата „Global Homeschool” конференција. Темата на неговиот говор била „Влијанието на дигиталниот свет врз семејството и учењето“.
Според Едрик Мендоза, претседател на здружението Homeschool Global, кој ја организирал конференцијата, „ставовите на Хадлстон за штетните ефекти на дигиталните уреди се релевантни (применливи за секој поединец и семејство кои користат екрани) и се сигурни (засновани на најновите истражувања на невронауката). Хадлстон тврдел дека постои тенка граница помеѓу технологијата што е корисна и технологијата што е деструктивна, и многу деца денес ја преминаа таа граница.
На конференцијата Хадлстон покажал снимки од мозокот на зависници од хероин и на корисници на дигитални екрани. „Луѓето треба да разберат дека тоа е буквално хемиска зависност, на исто ниво со кокаинот и хероинот. Неврологијата покажува дека кога некој шмрка кокаин што е исклучително стимулирачки за мозокот, тој произведува многу допамин“, објаснил Хадлстон, додавајќи дека „видео-игрите создаваат исти нивоа на допамин за околу еден час играње како и линија кокаин”.
Родителите сакаат да мислат дека нивното дете е исклучок – никој не сака да признае дека децата им се навлечени на „дигитален кокаин“.
Во своето излагање, Хадлстон продолжил да ги набројува штетните ефекти на „дигиталниот кокаин“ врз учењето и младите.
„Вистина е дека некои деца се раѓаат со недостаток на внимание, но тој број на деца е исклучително мал. Драматичниот пораст на ова нарушување е предизвикан со хиперстимулација од дигиталните уреди“, рекол Хадлстон.
„Неврологијата недвосмислено докажа дека мозокот е секвенцијален процесор кој сѐ уште не е во состојба да обрне внимание на повеќе протоци на податоци, училиштата често ја поттикнуваат оваа практика. Тоа е едно работа што луѓето ја прават во согласност со технологијата за која сметаат дека е добра, но всушност е многу штетна”, вели тој.
Депресија, вознемиреност и самоповредување
Хадлстон вели дека ова биле главните симптоми на дигитална зависност. „Тоа се многу реални услови што произлегуваат од злоупотреба на дигиталната технологија и честопати ќе ја попречуваат способноста на детето да се сконцентрира на училишната работа“, наведува Хадлстон.
Откако ги видел вознемирувачките ефекти на „дигиталниот кокаин“ врз децата во САД, во Африка и сега во Азија, Хадлстон страствено води кампањи против воведување на технологија за малите деца.
Еве неколку практични совети што родителите можат да ги користат за да се обидат да ги заштитат своите деца од „дигиталниот кокаин“.
Не дозволувајте им на деца на возраст под 12 години да ја користат технологијата.
„Ова вклучува и употреба на технологија за „едукативни“ цели. Многу технолошки раководители и вработени во Силициевата долина живеат според ова правило во некоја форма. Стив Џобс не им дозволил на своите деца да користат iPad. Причините се очигледни”.
Отстранете ја целата технологија од спалните соби и преспијте ја цела ноќ
На возрасните им требаат 8 до 8,5 часа сон, додека тинејџерите треба да имаат околу 9,5 часа сон, а помалите деца – солидни 10 часа.
Никогаш не дозволувајте никому на која било возраст да игра видео игри
Наместо тоа, играјте друштвени игри.
Не читајте и не учете од електронски книги
Наместо тоа користете ја хартиената верзија.
Не слушајте музика додека учите и спиете
Мултитаскингот е мит. Поради мултитаскингот како начин на живот, стресот во мозокот е секогаш висок, а когнитивните способности се намалуваат.
Враќање на аналогна технологија
Не треба да се одвикнуваат само децата, туку и родителите. „Перцептивно, мислиме дека поминуваме само неколку минути во проверка на е-пошта, социјални медиуми и сл. Но ако се измери времето ќе утврдиме дека технологијата всушност потрошила голема количина од нашето време.
Хадлстон ја предизвикал својата публика на конференцијата веднаш да ја прифати програмата за дигитална детоксикација. Детокс значи да се запре. Не е балансирана употреба, тоа е престанок на употреба.
Фото: Freepik
