Проблемот со виршлите, како и со сите други готови производи, е што имаат многу адитиви кои негативно влијаат на нашето тело доколку се консумираат редовно и често.
Откако ќе се испробаат, виршлите стануваат едно од омилените јадења на многу деца, и обично ќе бидат прифатени дури и од најпребирливите. Од друга страна, повеќето родители, особено оние кои се грижат за здравата исхрана, нема да споделуваат такво воодушевување поради тоа што децата им јадат виршли.
Според нутриционистите, после првата година, децата можат да јадат сè, но виршлите дефинитивно не треба да биде првиот избор на храна што им ја нудиме на децата. Од време на време, во посебни прилики, или кога едноставно не можете да готвите, можете да им дадете на децата виршли, но тоа никако не треба да биде повеќе од еднаш месечно.
„Виршлите се варени колбаси и се добиваат со преработка на свинско, говедско или пилешко месо обликувано во месно тесто, кое се добива со иситнување на месото и со додавање сол и вода, засилувачи на вкус и регулатори на киселост.
Проблемот со виршлите, како и со сите други готови производи, е што имаат многу адитиви кои негативно влијаат на нашето тело доколку се консумираат редовно и често. Според декларациите, виршлите содржат 88 проценти месо, обезмастено млеко во прав, сол и адитиви Е 621, Е 301, Е 450 и Е 250.
Е 621 е ознака за мононатриев глумат, засилувач на арома во готови производи од растително и животинско потекло, чија честа употреба може да доведе до несакани ефекти. Адитивот Е 450 исто така може да биде проблематичен. Честата употреба на готови производи богати со фосфати доведува до нивната акумулација во телото и може да пречи во апсорпцијата на калциум, магнезиум и железо, што доведува до намалување на коскената маса и остеопороза и таложење на калциум во организмот. Конзервансот Е 250 – натриум нитрит – може да предизвика хиперактивност.
Според сето ова, виршлите не се најдобриот избор за нашите деца, затоа треба да се консумираат ретко, кога немаме ништо друго при рака, но и за да не се навлечат на нив подоцна во животот, кога самите ќе ги пробаат за првпат.
Ако веќе не знаете што да му понудите за брз појадок или вечера, понудете му на вашето дете домашна сланина со леб. Сланината има и маснотии, но барем е видлива и ако е домашна, барем знаете што му давате.
Фото: Pixabay
