Да се биде родител не е лесно. Секако, постојат денови и моменти кога нашите деца се апсолутно неверојатни и ние ја цениме секоја секунда помината со нив. Сепак, има и други денови и моменти кога тоа е навистина напорна и прилично исцрпувачка работа.
Да се биде родител е предизвик кога родителите работат како тим, како мајка и татко што живеат во иста куќа. Уште потешко станува кога родителите не се заедно и еден родител треба да стори сé.
Еден самохран татко со половина старателство над своите деца се пожалил колку е тешко да се биде самохран татко. Тој ги споредил самохраните татковци и мајки и објаснил дека самохраните татковци кои работат исто колку и самохраните мајки, не добиваат иста поддршка.
„Мојата поранешна жена има на социјалните мрежи пријателки кои ѝ кажуваат колку е неверојатна што самата ги воспитува децата и колку е силна и независна што се прибрала по разводот (што таа го предизвика со нејзината афера) и што е мајка. Јас немам ништо од тоа. Не дека моите пријатели не мислат дека сум добар татко, туку како општество ја направивме самохраната мајка своевиден неопеан херој. Што е со самохраните татковци? Ние ги правиме истите нешта. Јас работам и се грижам за моите деца на ист начин, но не ме слават како да правам нешто неверојатно. Само што добив признание дека речиси сите татковци не добиваат … ништо“.
Во својот пост, овој самохран татко објаснил дека не бара тапкање по грбот или награда за тоа што е татко. Тој едноставно сакал да сподели колку е различен односот кон самохраните татковци од оној кон самохраните мајки.
„Сум бил во група со мајки за да ги социјализирам моите деца и ова ми е чудна аномалија. Тие дури и не ми зборуваат, па потоа си играм со моето дете за да не гледам цело време во телефонот. Не е исто за нас. Ние ги немаме истите ресурси“.
Еден корисник на Reddit кадешто првично бил објавен текстот истакнал дека заедничкото старателство не е ништо во споредба со целосното старателство и дека многу луѓе претпоставуваат дека самохраната мајка има целосно старателство. Затоа е можеби таа разлика во поддршката.
„Самохран родител со половина старателство не е ниту приближно исто со вистински самохран родител и мислам дека луѓето претпоставуваат дека со самохраната мајка, на сликата не е повеќе таткото, но дека со самохраниот татко, мајката е сè уште тука.”
Другите корисници на Reddit дури и не мислат дека „самохран родител“ се нарекува оној кој го споделува старателството.
„Луѓето го користат погрешно овој термин за да се осврнат на својата ситуација, да добијат дополнителни поени или нешто слично. Знам дека ако јас и сопругата се разделиме (не дај Боже), ќерката ќе не има и двајцата. Јас не би се однесувал како самохран татко. Само би бил татко, кој е сингл“, вели друг.
Сепак, многу корисници на Reddit ја разбираат поентата на таткото за мајките кои добиваат поголема поддршка отколку татковците по разводот, а некои го доживеале тоа од прва рака.
„Мојата поранешна доби бесплатна новогодишна елка затоа што била самохрана мајка. Сте слушнале за други повластици за самохраните мајки. Таа не работи уште и по разводот, јас плаќам скоро за целиот нејзин живот. На никој не му е грижа тоа што сум сам татко, кој не само што работи за себе и за својата половина, туку работи и за тоа да ѝ ја плати нејзината“.
Еве уште еден пример.
„Мислам дека на самохраните татковци им е дефинитивно потешко. Се чини дека самохраните мајки добиваат многу повеќе поддршка, додека татковците немаат ништо. Им симнувам капа на сите самохрани татковци“.
Што мислите вие, дали самохраните татковци се третираат неправедно во споредба со самохраните мајки? Дали мислите дека родителот е „самохран“ родител ако го дели старателството?
Фото: Unsplash
