Таквите пријатели се вистински благослов и за вас и за вашите деца, затоа не заборавајте да ги гушнете следниот пат кога ќе се видите.
Тие избрале да ги сакаат вашите деца
Вашите блиски пријатели се семејството што сте го одбрале вие. Ги поминавте добрите и лошите работи заедно, и ако тие сè уште се со вас сега кога имате деца, веројатно ќе останат ваши блиски пријатели засекогаш. Тие го сакаат вашето семејство не затоа што треба, туку затоа што така одбрале, и таа љубов никогаш нема да престане.
Тие сакаат сè што ви е важно вам
Животот дефинитивно се менува кога имате деца затоа што тие стануваат центар на вашиот свет. Зад себе оставате многу работи што сте ги правеле за да се фокусирате на семејството. Поради ова, може да изгубите неколку пријатели, но оние што ги сакаат вашите деца нема да си одат никаде.
Тие се најдобрите дадилки
За нив не е тешко да ги причуваат вашите деца од време на време за да можете вие да се одморите. Тие се најдобрите дадилки затоа што веќе знаат сè за вашите деца. Може да бидете сигурни дека вашите деца нема да добијат храна на која се алергични. Плус, ќе им купат работи што ги обожаваат за да ги направат екстра среќни. Вие им верувате онолку колку што верувате во себе и таа доверба е взаемна.
Тие навистина се грижат
Не само што ги слушаат вашите родителски приказни и проблеми, тие се трудат да ви дадат совети. Тие ги слават сите успеси на вашите деца и дефинитивно ќе плачат со вас кога ќе дипломираат.
Тие се постари пријатели на вашите деца
Постојат моменти кога вашите деца не се чувствуваат пријатно да разговараат за одредена тема со вас. Тие не секогаш ќе ве слушаат, не секогаш ќе ви го раскажат секој детал или ќе ви поставуваат прашања на кои би сакале да го знаат одговорот. Но, вие можете да бидете мирни затоа што вашите деца имаат мудри возрасни во нивната околина на кои им веруваат и од кои можат да побараат совет или помош. Нема прашања, нема осуда – тие се таму за вашите деца.
Тие се пример за вашите деца
Кога децата не ве слушаат, веројатно ќе ги послушаат вашите блиски пријатели кои се грижат за нив. Тие се луѓето на кои вашите деца се угледуваат, луѓе што ги учат за љубезноста, добрината и безусловната љубов.
Тие се бонус родители на вашите деца
Не постои такво нешто како „премногу љубов“ и колку повеќе луѓе ги сакаат вашите деца, толку подобро е за нив и нивниот живот ќе биде полесен. Тие се среќни затоа што имаат војска од луѓе кои секогаш ќе им го чуваат грбот и на кои можат да сметаат во секоја ситуација.
Вашите деца имаат дополнителни луѓе кои ги сакаат безусловно, зарем не е тоа најдобриот подарок што може да го добие едно дете?
Фото: Unsplash
