Екипата на истражувачи од Универзитетот Туфтс од Бостон во Масачусетс тврдат дека е можно дека лековите кои поттикнуваат антивоспалителни протеини еден ден ќе бидат успешен третман против аутизам.
Пореметувањата од спектарот на аутизмот се однесуваат токму на пореметувањата во комуникацијата и однесувањето, па во нив ги вбројуваме состојбите како аутизам и Аспергеров синдром, а симптомите можат да бидат благи или тешки.
Истражувачите проучувале 16 мозоци на починати деца, од кои пола имале пореметување од спектарот на аутизмот , а пола немале.
Сите деца имале помеѓу 3 и 14 години. Резултатите покажале високи нивоа на протеинот IL-18, познат тригер на воспаленија кај децата со аутизам, и тоа особено во оние делови од мозокот одговорни за страв, помнење и внимание. Освен тој протеин, најдени се и покачени нивоа на протеин IL-37, кој делува противвоспалително.
Поради тоа се склони да веруваат дека лековите кои го поттикнуваат протеинот IL-37 би можеле да бидат терапија со која би се намалило нивото на протеин IL-18 во мозокот.
Фото: Pixabey
