Се прашувате ли некогаш како некои мајки успеваат да направат сѝ што си зацртале, а вам ви се чини како да не можете да стасате ништо?
Ако сакате да бидете како нив, еве неколку тајни на добро организираните мајки кои се секогаш подготвени за сѐ.
- Тие имаат своја фиока
Знаете како се губи премногу време кога постојано барете нешто што сте го ставиле на „посебно“ место? Затоа мајките имаат своја фиока која е „посебно“ место за сите тие важни нешта.
- Тие секогаш имаат време за квалитетна вечера
Мајките кои однапред планираат на време ќе го наполнат фрижидерот со намирници од кои можат на брзина да направат вистинска вечера, а притоа не мислиме на колекција од готова замрзната храна туку на онапред подготвени намирници кои се спремни за разни здрави комбинации.
- Нивните деца немаат премногу играчки
Затоа што мајките кои сакаат да бидат организирани често разменуваат играчки и сликовници со другите мајки па нивните деца секогаш имаат доста нови и забавни играчки а никогаш не се премногу.
- Подготвени се за сите детски незгоди
Мајките кои не сакаат животот да ги изненади секогаш имаат „одговор на сѐ“ па со себе секогаш носат резервна облека за детето, обувки а не само пелени и долна облека. Така не може да ги изненади никаква незгода.
- Се потпираат на апликации
Модерните, супер организирани мајки се потпираат на многу апликации со чија помош памтат важни датуми и информации па можат побезгрижно да се грижат за сѐ друго затоа што знаат дека апликациите ќе ги потсетат на важните задачи.
- Купуваат на акции и прават резерви
Организираната мајка нема само подобро да ги планира обврските, таа и финансиски ќе биде во плус затоа што редовно купува на акции и создава резерви. На детето му треба нова четка за заби, тетратка или нови боици? Без грижа, ваквите мајки веќе го имаат сето тоа, добро складирано во своите паметни резерви.
