Мајка на две деца смета дека играњето видео игри по 6 часа на ден не му штети на нејзиниот син Роко (4), а таа е така многу посигурна затоа што тој тогаш не трча наоколу по цели денови, изјавила таа за The Sun.
Но, овој метод сепак се покажал многу поскап од ангажирањето дадилка, бидејќи малиот потроши 700 фунти за време на карантинот за купување разни видео игри и играчки на eBay и Amazon.
Наоми и нејзиниот сопруг Хајдн (46) успеале да откажат некои од нарачките на нивниот син од Интернет и да вратат дел од парите, но дури и по неговата онлајн авантура, тие не размислуваат да му ја забранат употребата на Интернет.
Имено, Наоми и нејзиниот син биле дома за време на карантинот, а тој се вратил во градинка во вторникот. Роко, вели нејзината мајка, сакал видео игри уште од многу мал, и почнал да ги игра на нејзиниот мобилен телефон на возраст од 18 месеци. Тој ги играше на сè што ќе му дојдеше во рака – мобилен телефон, Ајпод, лаптоп. Тој е во состојба да се прикраде и да ми го земе мобилниот телефон, а потоа си оди во собата. Знае да ми го земе и додека сум под туш, вели мајката. Момчето има и свој Ајпод, му го дале стариот, велат неговите родители, не му купувале нов.
„Неговите омилени апликации се Minecraft и Roblox каде има стотици различни игри. Тој ужива во тоа толку многу што за време на карантинот креираше свои игри на Roblox. Тој ми рече: Мамо, погледни го мојот профил, направив неколку игри. Бев зачудена”, вели таа. Да може, Роко би поминувал цели денови на Ајпод. Јас му дозволувам да игра два часа ако треба да направам деловен повик за да не морам да се грижам за него. Значи, му дозволуваме да игра неколку пати по два часа, обично е онлајн по шест часа на ден.
„ Морам да го окупирам со нешто додека работам. Додека тој игра на компјутер, знам дека е безбеден, дека не трча наоколу во куќата и дека нема да падне и да се повреди“, вели Наоми, додавајќи дека знае дека момчето ќе биде тивко и нема да вика или да се расправа. со сестра му Флеур (10). Но, неговото хоби не е многу профитабилно, би било поевтино да се ангажира дадилка. Родителите велат дека не знаат како малечкиот успеал да го стори тоа и немаат идеја како успеал да потроши 700 фунти во осумте недели колку што траел карантинот во Велика Британија.
„Успеал да влезе во нашата сметка на PayPal, па купувал видео игри, но и играчки“, вели таа, додавајќи дека за роденден си се ’почестил’ и купил играчка за себе на Амазон. „Ние не знаеме како тој го сторил сето тоа, затоа што поставивме на мобилните телефони родителски забрани, а сепак тој го направи сето тоа. Тоа трае кратко време, претходно добивав известувања дури и за најмалите набавки од мојата сметка, дури и за оние од 2 до 6 фунти, но за време на карантинот бев известена дека сум потрошила 89 фунти на Apple store. Помислив: „Па, не купив ништо.“ Потоа отидов да проверам и сфатив дека тој нарачал Роблокс – вели мајката, додавајќи дека четиригодишникот минатата недела одработил и нарачка од 300 фунти“, вели таа, додавајќи дека би се смеела, но дека тогаш навистина не ѝ било до смеење.
„Бев преплашена. Мислев дека сака да создаде свој профил на Јутјуб за да објавува видеа, но се покажа дека не е така”, вели мајката, додавајќи дека успеале да откажат некои од нарачките и да добијат поврат на средствата за некои. Некои сервиси ја одбиле, иако таа им објаснила што се случило. „Кога сфативме што се случува, му објаснивме дека не смее да го прави тоа, дека таквото однесување е неприфатливо и му ги конфискувавме сите уреди на 24 часа, но тоа воопшто не го допре. Тој и натаму си тера по свое”, вели Наоми и додава дека ќе ги смени сите лозинки на уредите, дека ќе мора да смисли нешто за да го спречи малиот „во злосторството“. „Мојот сопруг и јас извадивме една кутија во која ги ставивме сите уреди за да го оттргнеме Роко од технологијата, но тој сфати како да игра игри преку паметен ТВ. Сега, ние го скривме и далечинскиот управувач“, вели таа.
„Кога беше помал, луѓето ми велеа дека не е добро децата да користат многу технологија, особено социјални мрежи. Но, ако ние пораснавме на истите уреди, како можеме да им ги забраниме на децата?“, се прашува таа.
По малку очајната мајка мисли дека нејзиниот син ќе биде информатичар кога ќе порасне. Кога вашето дете има некоја дарба, таа треба да се охрабрува, смета таа.
„На почетокот на карантинот првите четири недели се обидов да го поврзам лаптопот со компјутерот за да можам да работам на поголем екран. На крајот ја побарав помошта од Роко. Тој ги пронајде каблите, го презеде софтверот, ги направи поставките и направи сè како што сакав. Тој е целосно опседнат со технологијата и ужива во тоа “, вели неговата мајка и продолжува дека секој пат кога сака да го однесе на прошетка со велосипеди, тој тотално го менува расположението. Започнува да вреска и да протестира велејќи дека не сака да оди. „Но, кога на крајот ќе излеземе, ужива во тоа. Мислам дека клучот е во балансот, ние работиме на тоа да не поминува цел ден залепен на уредите. Знам дека многу родители не се согласуваат со мене и не им дозволуваат на своите деца пристап до технологија, но мојата работа е целосно зависна од технологијата и интернетот. Од друга страна, јас сум свесна за опасностите што ги предизвикуваат социјалните мрежи, но мислам дека сум во подобра позиција од родителите кои сè уште не знаат ништо за тоа. Постојано набљудувам што прави и знам дека тој не кореспондира со странци. Сигурна сум дека многу родители мислат дека сум луда, но не ми е гајле. Моите деца се побезбедни затоа што јас го разбирам светот во кој си играат“, вели таа на крајот.
Фото: Фејсбук
