Во 370 англиски училишта, студентите ќе почнат да практикуваат медитација како дел од студијата за подобрување на менталното здравје на младите, објави британската влада во понеделникот.
Тие ќе работат со експерти за ментално здравје за да научат техники за релаксација, вежби за дишење и други методи за „да им помогнат да ги регулираат своите емоции“, се вели во соопштението на владата за програмата.
Целта на оваа програма е да се проучи кои пристапи најдобро функционираат за младите луѓе во свет на брзи промени. Владата вели дека студијата, која ќе трае до 2021 година, е една од најголемите од ваков вид во светот.
„Како општество, ние сме многу поотворени за нашето ментално здравје од кога и да е порано, но современиот свет донесе нови притисоци за децата“, рече Дамјан Хиндс, британскиот секретар за образование.
„Децата ќе почнат постепено да се запознаваат со прашањата околу менталното здравје, благосостојбата и среќата уште од почетокот на основното училиште“, додаде тој.
Иницијативата доаѓа неколку месеци откако анкетата нарачана од Националната здравствена служба покажала дека едно од осум деца во Англија на возраст меѓу 5 и 19 години страдале од најмалку едно ментално растројство во времето на нивното оценување во 2017 година.
Истражувањето, кое беше објавено во ноември, исто така, покажа мало зголемување на менталните нарушувања кај пет деца до 15 години, кои се зголемија на 11,2 проценти во 2017 година, од 9,7 проценти во 1999 година. Нарушувања како анксиозност и депресија беа најчестите, едно од 12 деца и рани адолесценти во 2017 година, и почесто се појавувале кај девојчиња.
Имран Хусеин, директор на кампањите за Action for Children, британска добротворна организација, во Обединетото Кралство, ја нарече „детска ментална здравствена криза“.
„Секој ден нашите услуги од прва линија ги гледаат децата и тинејџерите кои се борат да се справат со тоа како да се вклопат во сложениот современ свет – се спротивставуваат на работи како што се интензивен притисок на училиште, малтретирање или проблеми дома, додека се бомбардирани од социјалните медиуми“, изјавил тој додавајќи: „Услугите како овие можат да ја намалат вознемиреноста, болката и маките што ги минуваат некои тинејџери, но исто така ја намалуваат нивната потреба за интензивна поддршка во иднина“.
Но, две парламентарни комисии ги критикувале владините извештаи на кои се базира програмата, дека се фокусираат на справување со емоционалните проблеми, наместо да ги превенираат. Во извештајот објавен минатиот мај Комитетот за образование и здравство и социјална грижа напиша: „На стратегијата на владата ѝ недостасува амбиција и нема да им помогне на мнозинството од оние деца на кои тоа очајно им треба”, додека се зголемува обемот на работа на наставниците.
„Се чини дека превенцијата е линкот кој недостасува во градењето подобра поддршка за децата и младите, особено во раните години“, пишуваат комисиите. Тие откриле дека социјалните медиуми и системот на испити со висок притисок на училиштата можат да имаат особено негативни ефекти врз менталното здравје на младите луѓе.
Меѓутоа, д-р Џесика Дејтон, вонреден професор по детско ментално здравје и благосостојба на Универзитетскиот колеџ во Лондон, која ги води владините испитувања, вели дека новата иницијатива имала намера да понуди повеќе од брзи поправки.
„Постои тенденција да се мисли дека решението е интервенција за ментално здравје”, изјавила таа во понеделникот. „Ќе се обидеме да ја намалиме стигмата против проблемите со менталното здравје, со тоа што училишната средина ќе биде описмена за менталното здравје”.
Според неа, програмата вклучува неколку тактики, вклучително и обука на наставниците за одржување на вежби за играње улоги, пракса за релаксација и поканување професионалци на групни дискусии.
„Не е идејата само да се направи тие да се чувствуваат подобро на краток рок“, рекла д-р Дејтон, „туку подобро да се подготват за нивната иднина“.
Фото: Pixabey
