Многу често апликацијата Снепчет лансира по некој филтер за коj полудува целиот свет. Поради последниот, луѓето имаат впечаток дека по нивното лице и по телото шета пајак, а некои родители го искористиле за да ги исплашат своите деца.
Но, приказната не завршува тука. Тие мислат дека реакциите на нивните деца се забавни, па ги снимаат и ги објавуваат на социјалните мрежи, а ова предизвикало револт кај некои корисници.
„Погледнете го стравот на лицето на мојот внук“, напишал еден вујко кој го споделил видеото и додал два емотикони кои умираат од смеа.
Слични описи ставаат и другите родители и членови на семејствата кои ги снимиле преплашените реакции на децата кај кои пајаците предизвикуваат неверојатен страв и шок.
Освен што ги снимаат децата, во некои видеа може да се слушне и како гласно се смеат на целата ситуација.
„Ова е малтретирање на децата“, сметаат некои корисници на Твитер и апелираат до родителите да престанат да го прават тоа затоа што сметаат дека не е забавно децата да се плашат.
„Ова е пример како децата заработуваат трауми“, предупредува еден маж.
Nah look at the stress on my nephews face ?? pic.twitter.com/mNFox0bJRI
— AmirafromForestGate (@Munyajiri) October 31, 2019
My son was not having it ? pic.twitter.com/o2sX2gDJeT
— Tara Mhitsu (@tiramisu27) November 1, 2019
