Природно е да сакате да имате позитивна врска полна со доверба со вашите деца. Подеднакво е добро чувството понекогаш да ги почастите со нешто. Но, иако попустливите, забавните искуства може привремено да им измамат насмевки на лицата на вашите деца, поставувањето граници, јасни очекувања и справување со последиците од сопствените постапки е она што им помага на децата да прераснат во возрасни кои добро функционираат во животот.
Всушност, експертите велат дека тоа што сте попустлив родител може да има долгорочни штетни последици на вашите деца.
„Важно е да му дозволите на вашето дете да донесува одлуки, да си ги трасира сопствените патеки и да учи од своите грешки“, вели Стивен Гликсман, психолог на Makor Disability Services и вонреден професор на Универзитетот Јешива.
Ако сте попустливи, еве што треба да знаете за овој стил на родителство и зошто можеби ќе сакате да изберете поинаков пристап.
Што е попустливо родителство?
Попустливите родители се чини дека имаат добри односи со своите деца. На децата им е дозволено да прават што сакаат, а родителот честопати го следи водството на детето. Се чини дека ваквото родителство се заснова на љубов и разбирање, но Гликсман вели дека не е секогаш така.
„Сите родители го сакаат тоа што е најдобро за нивните деца, но мислам дека луѓето често избираат попустлив стил на родителство затоа што се плашат – се плашат дека нивните деца нема да бидат среќни или се плашат дека нивните деца нема да им бидат пријатели“, објаснува тој.
Меѓу другото, овие родители можат да им дозволат на своите деца да изберат свое време за спиење или ужинка, без да бараат од нив одредени манири и почит. Ова е често добронамерно, но не им помага на децата.
„Она што попустливите родители не го сфаќаат е дека родителите не би требало нужно да им бидат ‘пријатели’ на своите деца и дека родителите кои ја изразуваат својата љубов почитувајќи ги преференциите и мислењата на своите деца, но исто така и јасна комуникација и поставување граници, честопати растат посреќни деца на долг рок“, вели Гликсман.
Последици од попустливото родителство
Да се имаат премногу благи родители може да им отежне на децата да се прилагодат на очекувањата и границите со кои ќе се соочуваат подоцна во животот, како студенти, работници и во врските.
„Истражувањата сугерираат дека децата на родители кои се попустливи може да бидат посреќни и попозитивни во детството, но како што стареат, тие имаат поголема веројатност да бидат зависни, каприциозни и да им недостасуваат социјални вештини“, вели Гликсман, објаснувајќи: „Како да добивајќи толку многу слобода во детството, научилеја дека нивните карактеристики од детството се доволни и на крајот стануваат детинести возрасни луѓе“.
Фото: Pexels
