Мексиканската држава Оаксака ја забранила продажбата на засладени пијалоци и висококалорична храна (грицки) на деца, како мерка во борбата против дебелината, пренесува „Гардијан“.
Овој закон, проследен со големи казни и евентуално затворање на продавниците што би им ги продавале на деца, ги става засладувачите во иста категорија како цигарите и алкохолот.
„Важно е конечно да ставиме крај на оваа индустрија, која во голема мера ги охрабрува болестите кај нашите деца“, рекла Магали Лопез Домингез, претставувајќи ја оваа забрана.
Овој закон бил воведен пред повеќе од една година, а пандемијата придонела за тој конечно да се усвои.
„Нашето здравје е добар показател за тоа колку штети се предизвикани од конзумирањето на засладени пијалоци“, вели Магали Лопез.
Мексиканците истакнуваат дека еден од најголемите проблеми во борбата против коронавирусот е всушност нездравиот живот и лошите навики, кои вклучуваат пречесто консумирање на засладени пијалоци и закуски.
Мексиканците консумираат дури 163 литри од овие пијалоци годишно, што е најмногу во светот, а освен тоа и многу млади почнуваат со нивна премногу честа употреба.
Дури 73 проценти од популацијата на Мексико се смета за дебела, што е во тесна поврзаност со дијабетесот.
Фото: Pixabey
