Нема правилно или погрешно време или место кога станува збор за решавање на потребите на бебето. Но, кога менуваат извалкана пелена на јавно место, повеќето родители барем се обидуваат да ги видат луѓето околу нив – или барем така мислевме. Изгледа дека една мајка не се грижела премногу околу гостите во локалното кафуле во кое била кога решила да му ја смени пелената на своето бебе на масата на која јаделе нејзините пријатели.
Се разбира, пријателите не биле премногу задоволни кога мајката едноставно ја преместила чинијата на другата страна пред да го стави своето бебе на масата пред неа. Жената објаснила дека кафулето имало и тоалет и дел за преслекување на бебиња, па затоа не можела да разбере зошто нејзината пријателка не ги користела.
Прашувајќи се дали е единствената што смета дека е тоа несоодветно, таа објавила подолг есеј на порталот „Мамснет“ и ги прашала другите жени што мислат за тоа. Во најавата, таа објаснила што точно се случило:
„Само што бев на кафе со мојот пријател и неколку мајки кои претходно не ги познавав. Бевме во кафуле со простории за преслекување на бебиња, а таа, откако изедовме и испивме, ги премести чиниите на едната страна, го стави бебето на ќебенце, и му ја смени пелената на масата … додека сè уште го пиевме кафето!“
Нагласила дека ова можеби и би било во ред ако немало друга опција и соодветни простории на располагање на родителите. „Ѝ го споменав тоа на мојата пријателка на враќање и таа рече дека го правела тоа и претходно затоа што е многу полесно и побрзо“, продолжила таа.
Другите родители се согласиле дека менувањето пелени на масата во угостителски објект е целосно несоодветно и ја нарекле мајката мрзлива. „Тоа е грозно. Исто како да го оставите вашето дете да врши нужда во нокшир покрај масата наместо да го носите во тоалет. Некои родители се навистина мрзливи“, налутено коментирала една жена. Друга напишала: „Ја сменив пелената на маса во игротека за деца, но лично никогаш не би го сторила тоа во кафуле или во ресторан“.
Фото: Pexels
