Цел живот се обидуваме да ги претвориме нашите синови во независен и среќен човек. Но, кога конечно ќе успееме, ќе ни недостасува толку многу што не може ниту да се опише.
Врската мајка-син е една од најубавите, но и најсложените односи воопшто. Особено кога синот ќе порасне и ќе основа свое семејство.
Во денешниот свет, идеите за родовите улоги се донекаде изменети. Сепак, моделите на однесување што влијаеле на човечкото однесување низ многу векови се уште се присутни и силни, особено ако вклучуваат припадници на постарите генерации. Некои од овие модели го вклучуваат и односот помеѓу мајките и нивните возрасни синови. Понекогаш парадигмата е одржлива дури и кога возрасните синови се воедно и сопрузи или татковци.
Конфликт помеѓу сопругата и мајката
Добриот однос со мајката е важен предуслов за добар брачен живот. Жените се главно одговорни за развој на емоционалната интелигенција на своите деца, а синот кој развил ваков вид интелигенција ќе има повеќе разбирање за својата сопруга. Таквиот човек ќе има помала веројатност да заземе типичен мачо став.
Иако го разбира добро влијание на мајката, сопругата може да биде збунета од нејзиното континуирано влијание врз животот на нејзиниот син. Што се однесува до мајката, откако таа ќе биде симната од позицијата – најважна личност во животот на нејзиниот син, ќе биде потешко да се избегнат тензиите со ‘узурпаторот’. Човек кој ќе се најде во средина може да реагира со едноставно повлекување од бојното поле, но никој нема да има корист од неговата реакција: ниту тие две, ниту тој самиот.
Кога мајките се сами
Конфликтот може дополнително да се засили ако мајката е сама. Понекогаш во такви ситуации мајката го прогласува својот син за глава на куќата и се потпира на него на нездраво ниво. Од друга страна, кога се двајца, тие меѓусебно ги моделираат своите однесувања и си помагаат еден на друг да не ги преминуваат границите што не треба да се преминуваат.
Одржување рамнотежа
Најдобро е кога сите учесници се трудат да одржат природна рамнотежа во нивната врска. Секако, сопругата треба да биде на прво место за секој маж, но после тоа треба да му остане малку енергија и за неговата мајка. А двете, и сопругата и мајката, секако треба да избегнуваат ситуации во кои мажот ќе биде принуден да избира помеѓу двете. Кога станува збор за мајките, ова значи следново:
– Немојте секогаш да барате од вашиот син услуги што некој друг може да ги направи за вас или кои можете да му платите некому да ги направи.
– Воздржете се од нагонот да понудите решенија за проблемите што ги имаат вашиот син и неговата сопруга. Кога тие двајца работат заедно на проблемите, нивната врска ќе расте и ќе се развива исто така.
– Обидете се да се однесувате подеднакво кон вашиот син и неговата сопруга. Кога ќе им се јавите, разговарајте со двајцата. И на двајцата носете им подароци, не купувајте само за него.
– Кога станува збор за подароците, секогаш покажувајте благодарност за подарокот што сте го добиле од нив. Никогаш не враќајте ништо освен ако не станува збор за замена заради големината. Носете го и покажувајте го подарокот што сте го добиле.
– Ако имаат дете, секогаш покажувајте дека вие сте му баба на детето, а не мајка. Почитувајте ги границите поставени од неговите родители.
Жените како чувари на домот
Една стара поговорка вели дека синот е син само додека не се ожени, додека ќерката е ќерка цел живот. Со ова се сака да се нагласи ставот дека кога една двојка ќе се венча, обично одржува поблиски односи со семејството на сопругата. Истражувањата покажуваат дека бабите по мајките обично имаат посилна врска со возрасните деца и внуците отколку бабите од страната на татковците.
Оваа посилна врска со бабата по мајка потекнува од традиционалната улога на жената како чувар на домот, некој што ќе ги задржи сите членови на семејството заедно. Оваа улога почесто ја играат жените отколку мажите, дури и во денешните еманципирани општества. Ова значи дека во семејството на синот, претежно неговата сопруга ќе се грижи за семејниот календар и случајно или намерно почесто ќе им дава предност на своите родители. Мајките на синовите може да се обидат да го надминат ова со тоа што самите ќе иницираат средби почесто, но мора да го сторат тоа такашто нема да бидат премногу наметливи.
Правила за блискост
Телефонските разговори треба да бидат генерално кратки и не би требало да се повикуваат во несоодветно време, да речеме, кога децата се веќе во кревет. Ниту, пак, треба да се повикуваат подоцна од тоа време кога би можеле да им ги попречат интимните моменти на родителите. Кога се јавувате, добро е да поставите конкретни прашања од типот „Дали Филип има натпревар оваа недела?“, наместо „Што има ново со децата?“
Друг начин на кој можете да ја одржувате блискоста се посетите, но тие исто така можат да му пречат на едно младо семејство. Мајките што живеат во близина треба да избегнуваат чести посети и ненајавени да им доаѓаат дома. Оние што живеат подалеку не треба да седат до недоглед. Се разбира, посетите можат да бидат многу пријатни за сите генерации, но останува на мајките да ги направат посетите хармонични.
Фото: Pexels
