Сосема е нормално да почувствувате благо чешање за време на бременоста додека стомакот расте и кожата ви се растега – всушност, речиси четвртина од сите бремени жени се жалат на јадеж на кожата. Сепак, поинтензивен, упорен јадеж може да биде симптом на интрахепатична холестаза во бременоста, група на пореметувања на црниот дроб специфични за бременоста кои го попречуваат протокот на жолч. Иако не постои долгорочен ризик по вашето здравје, оваа состојба може да биде опасна за вашето дете доколку не се лекува.
Затоа секогаш треба да го информирате вашиот лекар доколку имате значителен јадеж.
Што е интрахепатична холестаза на бременоста (ICP)?
Интрахепаталната холестаза ја нарушува работата на црниот дроб, што резултира со акумулација на жолчта – течност што црниот дроб ја создава за варење на маснотиите во крвта. Задржувањето на жолчните производи во циркулацијата може да предизвика чешање, што може да биде непријатно, но не и опасно по живот. Сепак, покаченото ниво на жолч е токсично за вашето бебе и може да предизвика компликации доколку не се лекува, вклучувајќи предвремено раѓање, мекониум во амнионска течност и мртвороденче.
Кои се симптомите на холестаза?
Еве како да се открие разликата помеѓу безопасното чешање што го доживуваат многу жени за време на бременоста и интрахепатична холестаза: „Чешањето поврзано со холестаза се јавува во вториот и третиот триместар од бременоста и е особено засилено во текот на ноќта“, објаснува д-р Кристин Милер, професор по репродуктивна медицина на Медицинскиот факултет на Универзитетот во Калифорнија. „Може да биде по целото тело, но најчесто е на дланките и стапалата“.
Ако почувствувате силен јадеж, задолжително информирајте го вашиот лекар да ја исклучи холестазата. Веројатно ќе одреди анализи на крвта и на жолчната киселина и ќе ја процени работата на црниот дроб за да одреди дијагноза.
Фото: Unsplash
