Иако нема родител кој не знае дека тоа не е добра тактика, повеќето барем еднаш користеле метод „стап и морков“ во обид да ги дисциплинираат своите деца. Секако, со чоколадо наместо со моркови.
Ако некогаш сте се фатиле себеси како му кажувате на вашето дете дека ќе добие чоколадо ако е добро (или нешто слично), а потоа се прашувате дали сте згрешиле, еве што велат психолозите.
Дали е навистина толку лошо да се користи храната како награда или како казна кога децата се непослушни?
Накусо, да. Особено ако го правите тоа често.
Кога користите храна за да го контролирате однесувањето на децата (техника позната како „инструментално хранење“), пред сè ги збунувате децата.
„Децата слушаат дека треба да јадат и да сакаат храна што е добра и здрава за нив и да избегнуваат храна што има мала хранлива вредност“, се вели во студијата на експерти од Медицинскиот центар на Универзитетот во Рочестер.
„И тогаш, кога ќе му кажете на дете дека може да јаде храна што спаѓа во категоријата нездрава, затоа што било добро и послушно, му испраќате измешани сигнали. Може да се случи децата да започнат да поврзуваат одредена храна со одредено расположение – кога сте задоволни со себе, во ред е да јадете слатки “.
Повеќе од сè што сакаат децата е да добијат одобрување од нивните родители, дури и за нивните омилени колачи. И кога ќе ги измешате обете емоции со чувството за вкус, на крајот имате ситуација кога најмногу сакате нездрава храна.
Ако казните дете кога ќе се налутите со тоа што ќе му ја одбиете храната што ја сакаат, испраќате еднакво силна порака: ако слатките (палачинки, чоколадо или што и да сака детето да јаде најмногу) не е вредна, посебна работа, зошто да му ги ускратите на детето за да го изразите своето незадоволство и неодобрување?
Кога користите храна за да го контролирате однесувањето на вашето дете, го изложувате дете на многу реален ризик од подоцнежни нарушувања во исхраната, особено со тенденција за прејадување и развивање вкус за слатка, преработена храна, намалувајќи ја можноста еден ден свесно и рационално да го контролира внесувањето на храна.
Ако постојано користите храна како награда или казна, го учите вашето дете дека е таа поврзана со емоциите, и добри и лоши. Го учите дека слатките се најдоброто нешто на светот, и дека храната помага во решавањето на проблемите. Го учите да јаде дури и кога не е гладен. И сето тоа, го остава детето неподготвено за справување во светот кој во денешно време прилично се врти околу храната.
И тука е и бихејвиоралниот дел… Ако во очај, кога детето има напад на гнев, вие нудите слатки за да го смирите, не го гаснете „огнот“, туку го разгорувате.
„Никогаш не нудете награда среде лошо однесување на детето, бидејќи детето ќе заклучи дека лошото однесување е одличен начин да го добие она што го сака од вас“, вели психологот Лора Маркам.
Наместо тоа, психолозите советуваат да се договорите со вашето дете и да назначите еден или два дена во неделата како „денови за слатки“.
Кога ќе дојдат „деновите за слатки“, детето ги добива без исклучок, без оглед како се однесувало тој ден. Но, истото важи и за останатите денови од неделата – нема слатки, дури и ако детето било вистински мал ангел.
Фото: Pixabey
