Триесет и едногодишната Елизабет Андерсон – Сиера од Портланд во САД, покрај своите две ќерки смета дека со сопственото млеко нахранила и околу 250 други бебиња. Млекото го дава или го продава преку Фејсбук страница, а 30 милилитри ги наплаќа еден долар.
Елизабет тврди дека е неофицијален светски рекордер по број на донации. Гинисовиот рекорд е соборен лани со 1502 литри, но оваа 31.годишна жена тврди дека таа досега донирала околу 6 илјади литри.
Андерсен-Сиера има синдром на хиперлактација заради кој е во состојба да произведе речиси 7 литри млеко дневно, што е осум пати повеќе од просекот.
„Жените кои го имаат тој проблем, како да немаат прекинувач. Млекото само надоаѓа“, рекла Линда Дахл, експертка за доење.
Продажбата и приватното донирање на мајчино млеко се главно нерегулирани, но доилката е таа која е одговорна ако нејзините донации предизвикаат било каква штета или болест.
„Не сакам да остварам заработка. Луѓето мислат дека го правам тоа исклучиво поради пари, но не е така. Парите само ми помагаат во одржувањето на она што го правам“, рекла Елизабет.
„Секојдневно добивам чудни барања. Им продавам млеко и на бодибилдери затоа што тие велат дека млекото им помага за изградба на мускулната маса. Секогаш ми е задоволство да им помагам на другите колку што е можно“, заклучила таа.
Фото: Инстаграм
