Новото истражување покажало дека часовите поминати во играње видео игри всушност не може да му наштетат на вашиот мозок, како што тврдеа вашите родители. Всушност, ако го поминавте вашето детство играјќи Соник или Супер Марио, вие сте ја тренирале вашата меморија, се вели во новата студија.
Едномесечно истражување, спроведено на Универзитетот Оберта де Каталуња во Шпанија и објавено во списанието Frontiers in Human Neuroscience, ги испитало когнитивните вештини на 27 лица на возраст од 18 до 40 години додека го играле класикот Супер Марио 64 на Нинтендо.
„Луѓето кои биле загрижени играчи пред адолесценцијата, и покрај тоа што повеќе не играле, подобро се снаоѓале во задачите на работна меморија, за кои е потребно ментално задржување и манипулација со информациите за да се добие резултат“, пишува истражувачот др. Марк Палаус во објавениот извештај.
Палаус објаснува дека видео игрите навистина не се предизвик за нашиот мозок, туку предизвик за растечките умови, а нивните бројни нивоа што содржат зголемени тешкотии и предизвици ги прават толку примамливи.
„Видео игрите се совршен рецепт за зајакнување на нашите когнитивни вештини, речиси без да забележиме“, пишува тој.
Направени се многу истражувања за видео игри и справување со нивното влијание врз мозокот, а повеќето откриваат дека можат да имаат позитивни ефекти. Студија од 2017 година, исто така предводена од Палаус, открила дека пациентите кои биле подложени на програма за обука за видео игри, било забележано како им растат делови од нивниот хипокампус. Студијата исто така открила дека засегнатите играчи покажуваат подобрувања во одржливото и селективно внимание.
Но, не е сè толку позитивно. Друго истражување, спроведено на Универзитетот во Монтреал во 2017 година, открило дека на магнетната резонанца направена на мозокот на страствени играчи, кои поминувале 19 часа или повеќе неделно на своите конзоли играјќи игри со тематика на акција, има значително помалку сиви материи.
Сепак, оние кои го спровеле тоа истражување велат дека видео игрите не се толку важни како типот на играта, пишува Best Life.
„Ако треба некому да препорачам еден вид видео игра, тоа ќе биде тродимензионална платформа или логичка игра со сложувалки“, рекол др. Грегори Вест, автор на студијата, за НПР.
„Доказите се јасни во овој момент и сугерираат дека овие игри можат да бидат корисни за мозокот“, заклучил тој.
Фото: Pixabey
