Тара Шарифи, 11-годишна иранска ученичка од Обединетото Кралство го привлече вниманието на јавноста со извонредниот резултат на нејзиниот тест за Менса IQ кој ги надминува и оние на големите мислители како Алберт Ајнштајн и починатиот професор Стивен Хокинг
Таа постигнала 162 поени на тестот и е два поени пред Ајнштајн, теоретскиот физичар кој се смета за еден од двата столба на модерната физика и познатиот космолог професор Стивен Хокинг.
„Тоа беше заедничка одлука помеѓу мене и моите родители да го полагам тестот”, изјавило девојчето. „Тоа ќе биде прекрасна можност да се сретнеме со други луѓе во системот Менса. Јас им кажав на некои од моите пријатели на училиште и тие беа навистина импресионирани“.
Таа, исто така, додала дека кога ќе порасне ќе продолжи со „нешто поврзано со математиката“.
„Јас бев шокирана кога ги видов резултатите – никогаш не очекував толку добар резултат“, вели Шарифи.
Нејзиниот татко, пак, призна дека бил изненаден од резултатот, но и горд на она што неговата ќерка го постигнала.
„Многу сум горд, но и многу изненаден од тоа колку добро Тара го направи тоа“, изјавил нејзиниот татко, Хусеин. „Сфатив дека таа може да направи добар тест кога гледавме телевизија и таа ќе ги решеше математичките прашања пред натпреварувачите. Знаев дека е многу умна, но не мислев дека ќе има толку висок IQ“.
Високиот резултат ја квалификуваше Шарифи во членствота на Менса, поточно во општеството со висок IQ.
