Самостоечки огледала
Ако имате вакво огледало и мало дете, размислете да го отстраните додека детето не порасне. Децата ги привлекуваат огледалата, а ако се потпрат на самостоечкото огледало, постои можност тоа да падне и да се скрши, а детето да се повреди од скршеното стакло.
Пегла за коса
Ако користењето пегла за коса е дел од вашата рутина, бидете многу внимателни. Ако е загреана, детето може да биде повредено. Некои пегли за косата се загреваат до многу високи температури и им треба повеќе време да се оладат. Ризикот од повреди и изгореници е многу висок ако е детето покрај вас додека ја користите пеглата.
Стаклени маси со остри рабови
Кога имате дете, ќе сфатите дека имате многу остри рабови во вашиот дом кои треба да бидат заштитени. За безбедноста на детето, важно е да се отстранат сите стаклени предмети, но и стаклените масички за кафе, особено ако имаат остри рабови. Децата не знаат како да ја проценат безбедноста, а стаклените маси се покажаа како високо ризичен предмет поврзан со голем број повреди.
Капсули за перење
Капсулите за машините за перење се многу примамливи за децата, но исто така се и токсични. Експертите сугерираат да не ги купувате ако не е потребно. Ако сепак се решите да ги користите, клучно е да ги чувате подалеку од дофатот на децата.
Магнети
Многу родители го украсуваат фрижидерот со магнети, а тие се опасни доколку завршат во устата на детето и претставуваат ризик од задушување. Ако користите магнети, проверете дали се доволно големи за да не може детето да ги проголта.
Фото: Pexels
