Малиот Лукас Ворен има еднаипол година, а веќе станал ѕвезда. Лукас е одбран помеѓу 14 илјади други деца кои се пријавиле на конкурсот за заштитно лице на американската компанија за храна за деца „Гербер“.
Инаку, Лукас има Даунов синдром и освен ангажманот, добил и парична помош – 50 илјади долари кои неговите родители ќе ги употребат за образование на ова шармантно мало момче.
„Не сакаме неговата дијагноза да го кочи во животот“, велат гордите родители и додаваат дека се пресреќни затоа што Лукас ќе биде на фотографиите и во видео рекламите за брендот „Гербер“, но пред сѐ, неговиот пример ќе им даде надеж на сите други родители кои имаат деца со истата дијагноза.
