Кога е соодветно да си го побарате подарокот за некого назад? Одговорот е веројатно: Речиси никогаш. Особено е несоодветно да си ги побарате подароците за бебето на пријателите на кои тоа штотуку им починало.
За жал, токму ова ѝ се случило на една тажна мајка чија приказна завршила на Редит.
„Не сакав да го изнесам ова овде, но немам друг избор“, пишува жената на својот Фејсбук, а потоа нејзиниот пост завршил на популарната социјална мрежа Редит.
Како што напишала, нејзината пријателка купила неколку убави подароци што биле наменети за нејзиниот син Бенџамин.
„Меко ќебенце, прекрасно слонче, чизмички, облека и музичка играчка. Не ги барав тие работи, како што реков – тие беа подароци”, се сеќава таа.
За жал, Бенџамин е роден предвреме и починал набргу потоа.
„Една недела подоцна, еден пријателка ми се јави со прашање дали Бенџамин користел или ги допирал работите што ги купила, бидејќи би сакала да им ѝ ги вратам!“, напишала жената.
Таа сподели и снимка од екранот со непријатниот разговор со нејзината сега веќе поранешна пријателка. Од неа е јасно дека очигледно бесчувствителната жена ја замолила да ја извести што побрзо затоа што би сакала да избегне купување нови подароци за детето на нивната друга другарка и со тоа „да заштеди пари пред Божиќ“.
„Не можам да верувам дека ме прашуваш сега, но да, сè уште ги имам сите работи освен ќебето, тој ќе биде погребан со него затоа што е топло и мислам дека е убаво. Мислам … се надевам дека е ова во ред за тебе?!?“, напишала мајката, додавајќи дека не е добро и дека срцето ѝ е скршено.
Можеби мислите дека работите запреа тука, но упорната жена го продолжи разговорот.
„Аууууу, жал ми е затоа што знам дека е тешко време за тебе, жал ми е“, напишала таа и додала: „Само треба да го знам одговорот пред да потрошам пари, има ли шанси да имате уште едно ќебенце за него, душо ? ”
„Како што рече, тоа е убаво и пријатно и бебето на Лора може да го искористи“, заклучила таа бесмислено.
После тоа крајно лудо барање, додала и дека е „таму“ за нејзината пријателка ако навистина ѝ е потребна. Но, наскоро повторно ја контактирала со предлог следниот ден да дојде лично да го земе ќебенцето.
„Можеш да добиеш сè друго. Ќе ти ги донесам работите, дури и не помислувај да доаѓаш овде. Мојот сопруг е лут поради овие пораки што ми ги праќаш само една недела откако го изгубив бебето”, одговорила шокираната мајка додавајќи дека спакувала сè освен дека ќебето кое е кај Бенџамин.
Незапирливата жена сè уште не дозволувала да биде замолчена. Таа ѝ рекла дека е трпелива, но дека мора да го врати подарокот од финансиски причини, и целосно бесрамно побарала пари за да ги покрие трошоците на ќебето.
Овој разговор предизвика гнев кај корисниците на „Редит“.
„Замислете да малтретирате тажна мајка за работи што не значат ништо“, напишала една личност.
„Се надевам дека жената целосно ќе ја блокира“, напишал друг.
Иако некои луѓе сугерираат дека 2020 година била финансиски тешка година за многу луѓе, речиси никој не го оправдал барањето пари и барањето за враќање на подароците од разжалостената мајка.
Фото: Pexels
