Недостигнувањето до одредени пресвртници во најраната возраст може да биде предупредувачки знак за родителите.
Аутизмот кај децата е многу сложено нарушување во развојот на мозокот кое се карактеризира со слаба или никаква социјална интеракција и комуникација и од голема важност е да се открие што е можно порано.
Овој проблем влијае на социјалните вештини на децата, како што се игра, учење и комуникација со други деца, со родителите и околината.
Многу експерти се согласуваат дека овој проблем не е предизвикан од единствена причина, туку од цел спектар на фактори кои го отежнуваат говорот. Лекарите не знаат што точно ги предизвикува знаците на нарушувања од спектарот на аутизам, но се верува дека станува збор за комбинација од околината и генетиката.
Првите знаци на аутизам се клучни за понатамошното лекување, се согласуваат експертите.
„Некои родители препознаваат знаци на нарушување од спектарот на аутизам (АСД) додека нивното бебе има 6 до 12 месеци, па дури и порано“, вели д -р Томас Фрејзер, клинички психолог и истражувач на аутизмот.
Знаци на аутизам кај бебињата
Д -р Фрејзер тврди дека некои родители можат да ги препознаат знаците на аутизам кај бебиња на возраст од 6-12 месеци, во зависност од симптомите и нивната тежина.
„Обрнете внимание дали детето реагира на социјалните информации и околината. Во текот на првата година од животот, бебињата почнуваат да брборат и да користат гестови за покажување“, вели д-р Фрејзер, додавајќи дека бебињата тогаш почнуваат да им сенасмевнуваат на родителите и се обидуваат да комуницираат со нив.
Бебињата со аутизам понекогаш не успеваат да комуницираат преку звуци или гестови и не реагираат на надворешните дразби.
Според Центрите за контрола и превенција на болести, ова се уште некои симптоми на аутизам во првата година од животот:
До 3 месеци
Не ги следат со поглед предметите во движење.
Не ги следат со поглед ниту своите родители додека се движат во нивното видно поле.
Можеби повеќе ќе ги заинтригира нешто како прекривка.
Не реагираат на гласни звуци.
Не ги разбираат и не посегаат по предмети
Не им се смеат на луѓето
Не брборат
Не обрнуваат внимание на новите лица
До 7 месеци
Не ја вртат главата за да откријат од каде доаѓаат звуците
Не покажуваат љубов
Не се смеат
Не посегнуваат по предмети
Не се обидуваат да привлечат внимание
Не сакаат игри како криенка (покривање на очите со раце)
До 12 месеци
Не лазат
Не кажуваат ниту збор
Не користат гестови како што се мавтање или тресење со главата
Не не покажуваат со прст кон предмети или слики
Не можат да стојат дури ни со помош на нивните родители
„Важно е да се нагласи дека овие критериуми не се убедливи докази за аутизам. Ова се едноставно нештата што ги бараме за да утврдиме дали треба дополнително да го процениме бебето“, рекла Менди Силверман, виш директор на Центарот за аутизам во Институтот за детски ум.
Што да правите ако детето има аутизам?
Д-р Фрејзер ги советува родителите веднаш да закажат состанок со педијатар.
„Ќе зборувате за проблемите во развојот, а лекарот ќе го процени вашето дете. Имаме докази кои сугерираат дека колку побрзо се дијагностицира детето, толку побрзо ќе може да започне со развојни интервенции и бихејвиорални интервенции“, вели д-р Фрејзер.
„Раната интервенција ќе му помогне на вашето бебе да се справи со симптомите на аутизам и можеби дури и да ги промени. Како што детето расте, говорот и работната терапија, како што е советувањето за ментално здравје, му помага на детето да напредува. Целта е да се олеснат симптомите на детето и да се подобри неговиот живот што е можно повеќе“, заклучува Силверман.
Фото: Unsplash
