Луѓето ја темпираат својата бременост за да добијат деца во посакуваните хороскопски знаци

Дури и ако луѓето инаку се скептични кон астрологијата, некои го земаат тоа предвид кога размислуваат за своите деца, за секој случај.

0
100
Фото: Unsplash

Макензи Ворен, мајка во нејзините 30-ти од Северна Каролина, вели дека таа и нејзиниот сопруг се надеваат дека нивното прво дете ќе биде Скорпија, како нејзиниот татко. Парот престанал да користи контрацепција кога биле на прагот да зачнат Скорпија, но нивната ќерка се родила предвреме, во знакот Вага.

„За следното дете, ги одложивме обидите за еден месец, надевајќи се дека ќе ги избегнеме Рибите, знак со кој не се согласуваме“, рекла Ворен, пишува Vice.

Успеале и нивниот син е Водолија, како и неговата мајка.

Некои луѓе се вртат кон астрологијата за да ја надминат вознемиреноста и неизвесноста од раѓањето на нова личност.

„Идните родители се под голем стрес. Тие сакаат да обезбедат најдобар исход за своето дете, но чувствуваат дека многу работи не се во нивна контрола“, вели Ајана Вилард, предавач по психологија на Универзитетот Брунел во Лондон, која ја истражува културната еволуција на религијата и натприродните верувања.

„Неизвесноста им е непријатна на луѓето, особено кога влогот е голем, а се однесува на идниот успех и благосостојба на детето. Кога се обидуваат да влијаат на астролошкиот знак на детето, можат да чувствуваат дека ја контролираат ситуацијата”, додала Вилард.

Направила сè за да роди Лав, за на крајот да добие ладна Девица

Бидејќи плодноста е тешко да се предвиди, родителите генерално не се стремат кон еден одреден знак, туку навиваат бебето да се роди во едниот, а не во другиот.

„Требаше да родам Лав или Девица. Направив сè што можев за да добијам трудови и да родам Лав”, изјавила истражувачката Кимберли Милер.
Таа порасна со мајка Девица и се надевала дека ќе има малку поопуштено дете. Имено, Девиците обично се типизираат како опсесивни перфекционисти. Милер станала нервозна кога се приближила до терминот за породување. Детето како да не сакало да се роди во сезоната на Лав.

„Луѓето ме советуваа да јадам салати, пријателката будистка ми пееше за да добијам трудови. И покрај сите мои напори, родив горда Девица, денес прилично ладна тинејџерка“, продолжува Милер.

Дури и ако луѓето инаку се скептични кон астрологијата, некои го земаат тоа предвид кога размислуваат за своите деца, за секој случај. Барбара ВанДенбург рекла дека ако некогаш одлучи да забремени, ќе се потруди да не роди Девица.

„Не можам да кажам дека сите Девици што ги познавам ме прават нервозна, но тоа е како да живеам во паралелен свет до кој не можам да пристапам или да го разберам. Не сум религиозна, не верувам во духови, имам тенденција да мислам дека за повеќето работи има рационално објаснување, рационално, земајќи ги предвид доказите – Девиците ми одат на нерви во поголем процент од другите знаци“, вели таа.

Астролог: Хороскопот не треба да се сфаќа премногу сериозно

Клер Комсток-Геј, позната како астролог Мадам Клервојан, изјавила за The Cut дека надежта за одреден знак не мора да им даде на родителите чувство на контрола и резултатите на кои се надеваат.

„Не се сите Лавови драматични, не се сите Девици уредни и така натаму. На децата може да им биде доволно тешко да го разберат и потврдат својот идентитет и не им требаат возрасните да се обидуваат да ги предвидат со знаци“, вели.

Но, Вилард верува: „Дури и најмала шанса да има корист за вашето идно дете може да биде вредна за трудот“.
Сè на сè, луѓето кои се надеваат дека ќе навестат одреден знак за своето дете не треба да го сфаќаат тоа премногу сериозно.

„Сите 12 знаци се апсолутно прекрасни. Ниту еден знак не е подобар од друг“, изјавила астрологот Анабел Гет за The Vice.

„Астрологијата е само за забава, а мислењето на лекарот секогаш треба да биде на прво место“, предупредила таа.

Мајка ми избра кога ќе се породи, мислеше дека ќе биде подобро за мене

Џорџија Ендрјус е родена пред 30 години во знакот Стрелец. Нејзината мајка имала закажан термин за царски рез.

„Таа го избрала утрото затоа што, според нејзиното верување, така имав шанса да се осамостојам. Во принцип, тоа ја направило среќна. Независна сум и силна, купив сопствен стан минатата година и се преселив. Иако ја гледам астролошката одлука на мајка ми како забавна анегдота, сеедно ми е топла.

Таа го направила тоа затоа што мислела дека ќе биде подобро за мене и тешко е да се расправа за тоа“, заклучила таа.

[better-ads type='banner' banner='999' ]