Интелигенцијата може да се мери со брис од плунка или со капка крв, откако научниците за првпат покажале дека интелигенцијата на човекот може да се предвиди само со проучување на нивната ДНК.
Истражувачите од Универзитетот во Единбург и Универзитетот Харвард откриле стотици нови гени поврзани со моќта на мозокот. Тие идентификувале 538 гени кои можат да влијаат на тоа колку се умни луѓето – и велат дека можат да се добијат со помош на едноставен брис од уста.
Претходните студии сугерираат дека помеѓу 50 и 75 отсто од интелигенцијата се наследуваат, а остатокот доаѓа преку воспитувањето, околината и образованието.
Оваа бројка беше пресметана со проучување на идентични близнаци кои ја делат истата ДНК, така што сите разлики во интелигенцијата помеѓу нив мора да бидат негенетични.
